mɔ̃ frozin a lopera mo kuri lavil pu wa madam isalan e je te kɔ̃tɔ̃ wa mwɛ̃. mwɛ̃ se je vje negrɛs ki te garde je kɔ̃ je te piti. je tu pele mwɛ̃ mɔ̃ frozin je fe mwɛ̃ fɛt bɔ̃ dine bɔ̃ lit je vwaje mwɛ̃ avɛk je domestik a lopera. sete dɔ̃ tɔ̃ tu mun kuri ʃɛrʃe lɔr dɔ̃ la ʃakafurni. mo wa ɛ̃ ta mun e dɔ̃ tɔ̃ la tu mun pa ɔnɛt mo wa ɛ nɔm ki tape kuri tʃe so fɔm paske je te di ɛ̃ nɔt nɔm u li va truve lɔr. mo te si pe wa li leve so grɔ̃ kuto pu tʃe so fɔm u fe li pɛ mo krie fɔr: pa tʃe li pa tʃe li. tu mun bat je lɑmɛ̃ e tourne garde mwɛ̃. mo te nɛspɛs hɔ̃t e mo di: viktɔr kofɛ je ape garde mwɛ̃? nɔ̃m te ole tʃe so fɔm mo ʒis krie a tɔ̃. ɛ̃ ti momɔ̃ apre mo tɔ̃de tɔ̃nɛ mo wa zeklɛ mo te si pɛ mo di: viktɔr male ote mo sulje ki te tu nef. mo a ole sali je di tu. kɔ̃ nu sɔti ladɔ̃ le zetwal tu set ape brije. / kɔ̃fesjɔ̃ dɛ̃ vje esklɑv vje mɛtrɛs te di mwɛ̃ fɑle mo ku kɔ̃fese mo kuri truve pretlɑ dɔ̃ kɔ̃fesionɑl. mo di: pɛ ki fo mo di vu? li di mwɛ̃ sɑ mo te fe mɑl. mo di: mo pɑ fe mɑl person. li di mwɛ̃: sɑlo to pɑ kɔ̃nɛ̃ kɔ̃fese! mɑ fe twa di peʃe je to dwet vole pul. mo di nɔ̃. li di: to vole petɛt pli gro ke sa ɛ̃ vo ɛ̃ vɑʃ e etɛt ɛ̃ bɛf. mo di: nɔ̃ pɛ sɑ tro gro. li di: pɛtɛt to vole dɛn dezɛf dezwɑ piʒɔ̃. mo di: mo mɔ̃ʒe pɑ sɑ e mo vole pɑ sɑ. li di mwɛ̃ alɔr: twa se ɛ̃ sɛ̃ to kapab kuri. mo te fu. mo sɔti dɔ̃ ti kɑbɑn lɑ. mo gɑlope e mo tɔ̃be ɔ̃ leskɑlje vje metrɛs. li di mwɛ̃: ki tɑ di? mo di vje metrɛs to kiʃɔsla pɛ lɑ mɔ̃de mwɛ̃ si mo te vole mo di li nɔ. li pɑ di kɑnɑ. se sɑ mo te vole. vje metrɛs di: modi kuri brile dɔ̃ dife lɔ̃fɛ. mo pɑ kuri e mo lɑ tuʒu. / ɛ̃ bɛt ʒɛn nɔm nuzɔt te tɔ̃de ɛ̃ nɔ̃t istwɑ pu munje si bɛt. sete ɛ̃ ʒɛn ɔm ki te pɑrti pu kuri ɑ pɑri. li te mɛt so sulje so debɑ e so nɑbi e pi so bɑtɔ̃ ɔ̃bɑ so brɑ. li kuri pu travɛrse ɛ̃ fose. ɛ̃ gro nɔm dɔn li ɛ̃ ku e ʒɛt li dɔ̃ fose. li te muje ʒiskɑ so dezɔs. li rɔ̃di ɑ pɑri e li wɑ ɛ̃ fi. mo nɑmi kɔ̃mɔ̃ to pɛl twa? mwɑ mɔmzɛl je pɛl mwɛ̃ negodɛm. vwala ke li rese ʒɛn nɔm lɑ fɔr ɔ̃ so lɑpwɑtrin. kɛl bonɛ mo ʃɛ kuzɛ̃ mo revwɑ twa. ʒɛn nɔm pɑse ɛ̃ bɛl ʒurne. li bjɛ̃ dromi. lɔ̃dmɛ̃ bo matɛ̃ so kusin di li: vini mɔ̃ʒe deʒenelɑ kui. ɑpre li te bjɛ̃ rɔ̃pli so lestomɑ li pɑrti dɔ̃ lɑ vil e li wɑ ɛ̃ nɑfiʃ ke je te nɑve ɛ̃ ʒardɛ̃ u je te gɛ̃ de lurs de nelefɔ̃ e ɛ̃ gro posɔ̃ je pele ɛ̃ rekɛ̃. li te kre li te pɑrmi tu so fami dɔ̃ ʒardɛ̃la. li revini dɔ̃ tɑkɑpɑ e se limɛm ki te kɔ̃te nuzɔt sɑ. li di li pɑ ole di so nɔ̃. / kɔ̃pɛ buki e kɔ̃pe lɑpɛ̃ mɑle di twɑ ɛ̃ istwɑ kɔ̃pɛ buki e kɔ̃pɛ lɑpɛ̃. kɔ̃pɛ buki te fe ɛ̃ ti bɔnɔm gudrɔ̃ pu prɔ̃ ko~pɛ lapɛ̃ ki te kutim mɔ̃ʒe diʃu e lɑsɑlɑd. kɔ̃pɛ lɑpɛ̃ vini pu ʃu kɔ̃pe buki. mɑ pɑ di twɑ buʒu vole me mole ti nɔm nwɑlɑ bɑt avɛk twɑ bɑt li. di kɔ̃pɛ lɑpɛ̃. to Pɑ fu dɔn li ɛ̃ tɑp. mɑ dɔn li. kɔ̃pɛ lɑpɛ̃ dɔn li ɛ̃ tɑp so pɑt kole. li dɔn li ɛ̃ nɔt tɑp sso pɑt kole. li kole so kɑt pɑt. kɔ̃mpɛ buki di: nɑ mɔ gɛ̃ɲɛ̃ twɑ ɑstɛ. mɑle ʒet twɑ dɔ̃ bɑju. se lɑ mo mɔ̃mɔ̃ fe mwɛ̃. mɑle ʒɛt twɑ dɔ̃ dife. se lɑ mo mɔ̃mɔ̃ fe mwɛ̃. mɑle ʒɛt twɑ dɔ̃ pi. se lɑ mo mɔ̃mɔ̃ fe mwɛ̃. ebɛ̃ mɑle ʒɛt twɑ dɔ̃ bwɑ. lɑ mo mɔ̃mɔ̃ pɑ fe mwɛ̃. kɔ̃pɛ buki lɑʃe li e kɔ̃pɛ lɑpɛ̃ di: vɑ tɔ̃ fe fut ke X ɔ̃pɔrt twɑ. / misɛr je fe vje lwi mo te sɔrti lɑ sikleri. mo te vole ʃimɛ̃ pu kuri wɑ ʒɛn fi dɔ̃ lɔt bitɑsjɔ̃. mo kɔ̃tre ɛ̃ grɔ̃ kiʃɔs blɔ̃. mo di: mɔ̃ mɑri ki tɑpe fe lɑ? mɔ̃ mɑri pɑ di ɑrjɛ̃. mo di: mo pɛ! mo prɔ̃ gɑlope. mo di: uuu sɑ ɛ̃ mun muri. ʒek milɛnde prɔ̃ mwɛ̃ dɔ̃ ʃimɛ̃. li mɛ̃nɛ̃ mwɛ̃ dɔ̃ siprijɛr. li tɑpe dɔ̃se divɔ̃ mwɛ̃. ɛ̃ mun ki mo te pɑ wɑ di mwɛ̃: tɔrde to pɔʃ ɔ̃lɔ̃vɛr. ʒɛk milende vɑ kite twɑ. mo fe sɑ. mɛn mun murilɑ di mwɛ̃ sɑ mo kuri kɑbɑn. sete grɔ̃ ʒur. mo kuri dromi. misje sɛ̃si mɛt plɛ̃ siro dɔ̃ mo ʃive. de mus te ɑPe mɔ̃ʒe mwɛ̃ si X, mo leve. mo te prɔʃ fu. je fɛrme mwɛ̃ dɔ̃ butik. lɑ mo istwɑ fini. / vie trwazil ʒidis dɔ̃ mo tɔ̃ ɛ̃ nave ɛ̃ vje nɔm je te pele misje trwazil ʒidis. li te kutim vwajaʒe ɔ̃ ʃwal. ɛ̃ ʒu li vini ʒe nu e li te sɔti lwɛ̃ lwɛ̃. li di nusɔt dɔ̃ ɛ̃ plas je te pele la nivɛl ɔleɔ̃ li te wa ɛ̃ kiʃɔs i ʒamɛ̃ wa. sete ɛ̃ mesɔ̃ ki te ape maʃe ɔ̃ dolo. li te pa gɛ̃ɲɛ̃ pat arɛ̃ ʒis de grɔ̃ laʃimnɛ̃ ki te ape kraʃe la bukan. li di: male seje fe uzɔt kɔ̃prɔn. li ote lasɛl ɔ̃ so ʃwal e je te gɛ̃ɲɛ̃ ɛ̃ ti mare ki te gɛ̃ɲɛ̃ dolo. li mɛt so lasɛl milje dolo marela. li mɔ̃te o kalifuʃɔ̃ ɔ̃ so lasɛL e li limɛ̃ ɛ̃ gro sigar dɔ̃ so labuʃ e li te fe marʃe lasɛl la dɔ̃ dolo avɛk so bra e so ʒɔ̃b e pi gro sigar la te ape ʒete bukan. li di: sa se batis mo te wa e je pele sa ɛ̃ stimbot. vje nɔm la te kutim asi fe kafe ʃe li tu matɛ̃. lezɔt mun kɔ̃ je te leve te pa gɛ̃ɲɛ̃ kafe ditu. je di li: kofɛ nuzɔt pa bwa kafe e twa to bwa tu le ʒu? vje trwazil di: mo bliʒe bwa li. kɔ̃ kafe la ape kule li di: gut gut gut. sa di mwɛ̃ gute e se pu sa uzɔt ʒamɛ gɛ̃ɲɛ̃. mo bwa ʃak gut kɔ̃ li di mwɛ̃ gute. si uzɔt pa kɔ̃tɔ̃ fe kafe uzɔt mem. / la bɛt a faramin nuzɔt te ɔ̃ simɛ̃ pu kite lɑfus. nu te pɛrdi tu sɑ u te gɛ̃ɲɛ̃. nuzɔt te wɑ ɛ̃ tɑ mun ki je di nu te de pejsɔ̃. nuzɔt te de neg me nu te pɑ bɛt kɔm sɑ. mun je mɔnde nuzɔt vini ede je fe ɛ̃ lɑdig pu peʃe lɑ bɛt a fɑrɑmin trɑvɛrse ɔ̃ lɔt bɔr. nuzɔt kuri e nu wɑ ɛ̃ de zwɑ e so piti sɑ se munla je te pele lɑ bɛt a fɑrɑmin. / ʒɔ̃ ʃimne je nɑve ɛ̃ neg tu piti me li vje e li te kutin vole tu kiʃoʒ ɛ̃ ʒu li te ole vole mɔ̃ʒe dɔ̃ e~ nɔt kɑbɑn ki te fɛme ɑ kle. li mɔ̃te ɔ̃ twɑ kɑbɑn lɑ e li di: mɑ pɑse dɔ̃ ʃimne lɑ e mɑ prɔ̃ so deʒene. li kɔ̃mɔ̃se desɔ̃n me dɔ̃ milie lɑʃimne li reste pri pɑ kɑpɑb buʒe di tu. lɑ li kɔ̃mɔ̃se krie. je pele: vini wɑ vini wɑ vit! je te bliʒe ote neg lɑ je vini e vje met osi je te bliʒe defet lɑʃimne pu sɔti ʒɔ̃ lɑdɔ̃. kɔ̃ li sɔti bje met lɑ di uzɔt ʃakɛ̃ dɔ̃n li ɛ̃ tɑp. je te gɛ̃ɲɛ̃ ɛ̃ neg ki te pɑ lɛ̃mɛ̃ ʒɔ̃ di tu pɑske ɛ̃ fwɑ li vole ɛ̃ so kɔk le je. kɔ̃ so tu vini li dɔ̃n ʒɔ̃ ɛ̃ tel tɑp ke so gɛl reste tuʒu ɛ̃ kote. ʒɔ̃ te gɛ̃ɲɛ̃ lɑbitid ʃike tɑbɑ, me so lɑgɛl te si krɔʃ li te pi kɑpɑb ʃike. astɛ je tu pele li ʒɔ̃ ʃimne. / kofɛ mile ʒamɛ̃ gɛ̃ɲɛ̃ piti usɔt kɔnɛ kofɛ mile ʒɑmɛ̃ gɛ̃ɲɛ̃ piti? se paske kɔ̃ bɔ̃die te vini dɔ̃ pei li te mɔ̃te ɛ̃ mile. mun le je ʒete plɛ̃ brɔ̃ʃ nab e di lɛ̃ʒ ɔ̃ ʃimɛ̃ pu bɔ̃ die pase ɔ̃ la me mile bite ɔ̃ ɛ̃ lɑbrɔ̃ʃ e li fu bɔ̃die pater. Li X X X X X X X X X X X X X X X X X X X ta ʒamɛ̃ gɛ̃ɲɛ̃ piti. / koʃɔ̃ vole piti sa fe frɛt o swa. zo ramase kopo pu fe ɛ̃ bɔ̃ dife. ma kɔ̃te vu zɔt ɛ̃ kɔ̃t me se pa ɛ̃ kɔ̃t paske se la verite. je te pele mo mɛt misje lyʃɛ̃ ʃɔ̃paɲ. li te kutim leve koʃɔ̃ pu fe so lagrɛs e so provisjɔ̃ livɛr. sete ɛ̃ bo~ laras koʃɔ̃ avɛk kat ti pat kur e tu le zɔ̃ je te vole li ɛ̃ dɔ̃ o ʒoli koʃɔ̃ je. li di: stane ma konɛ̃ ki sila. li di mwɛ̃: kuri pele teodɔr dɔ̃ kɔ̃. li di osi: kuri pele misje solimɔ̃. sete so pli prɔʃ vwazɛ̃. li di misje solimɔ̃: mo fe vu vini kɔm ɛ̃ temwɛ̃. mɛt di teodɔr e pi mwɛ̃: trape ʒen koʃɔ̃ la e uzɔt dɔn mwɛ̃ e~ kuto ki bjɛ̃ gize. nuzɔt tʃɔ̃bo koʃɔ̃ la e mɛt fe o milje so do ɛ̃ ti kupir e li mɛt ɛ̃ bag ɔ̃nor ladɔ̃ e pi li kud sa. li grese li e li di misje solimɔ̃: va fe sɛrmɔ̃ ke vu va ʒamɛ̃ di ɛ̃ mo sa ki vu wa. misje solimɔ̃ mɛt so de dwa kɔm ɛ̃ lakrwa e pi li di: ma pa di arjɛ̃. msije te ɛ̃ ʒoli nɔm. li te gɛ̃ɲɛ̃ ɛ̃ labab nwa e pi dezje klɛ. li garde teodɔr e pi mwɛ̃ kɔm si li ole pɛrse nuzɔt kɛ avɛk so zje e li di: si ʒamɛ̃ uzɔt parle ma mɛt vuzɔt dɔ̃ prizɔ̃ e va ʒamɛ̃ wa ʒu. ɑste kite koʃɔ̃ dɔ̃ laku ʒiska li geri. je te kutim mɛt koʃɔ̃ dɔ̃ bwa pu mɔ̃ʒe de glɔ̃ e je te gɛ̃ɲɛ̃ ɛ̃ lakɔrn. kɔ̃ je te di: tut ut tut ut tu: koʃɔ̃ je te vini. kɔ̃ kupir te geri mɛt te fe je laʃe koʃɔ̃ avɛk le zɔt e kɛk mwa apre sa nuʒot pele je. je tu vini me sila i te pli bɛl pa vini mo di mɛt: vu gro koʃɔ̃ la pa vini. li di: sa bjɛ̃. ma konɛ̃ u ma truve li. kɔ̃ liver vini mɛt kuri ʃe ɛ̃ so vwazɛ̃ ki je te pele misje sɛ̃klɛ. es ke vu sre pa gɛ̃ɲɛ̃ ɛ̃ koʃɔ̃ gra pu vɔn mwɛ̃? li di: wi mo gɛ̃ɲɛ̃ ɛ̃ dɔ̃ park. vini wa li. mɛt kuri avɛk li. li di: sa ʃɔ̃b mo laras koʃɔ̃. set ɛ̃ bɛl bɛt. fe vu pri. ma prɔn li. mɛt vwaje nuʒot ʃɛrʃe koʃɔ̃ la pu tʃwe li e li di: misje ʃɛ̃klɛ vini osi. li vwaje teodɔr pele misje solimɔ̃. nuzɔt tʃwe li. nuzɔt grate li e mɛt di: misje solimɔ̃ vu di sa vu kɔ̃nɛ̃ pu koʃɔ̃ la. li di: vu mɛt ɛ̃ labag dɔ̃ so do kɔ̃ li te piti. misje sɛ̃si te pal. so ʒɔ̃b te apre trɔ̃ble ɔ̃ba li. li di: ki dʃab ʃɔ̃paɲ ole fe. mɛt kupe do koʃɔ̃ la. li di: misje sɛ̃klɛ sa mo koʃɔ̃ e vu vole mwɛ̃ ɛ̃ tu le zɔ̃. misje sɛ̃klɛ di: sa bjɛ̃ vwaze~. vu pa bezwɛ̃ paje li. mɛt di: pa dɔ̃ʒe ma dɔn vu ɛ̃ sɛ̃ so pu li. male mɛt vu divɔ̃ lakur. misje sɛ̃klɛ di: tɔ̃ pri vwazɛ̃ vu pa fe sa. mo gɛ̃ de fi. Persɔn ole marje avɛk li si je di je popa ɛ̃ volɛ koʃɔ̃. mɛt sete ɛ̃ bɔ̃ nɔm. li di: va tɔ̃ salo ke dʃab tɔ̃port. astɛ piti pa uvri laʒɛl. vje mɛt muri e si uzɔt parle kɔ̃ uzɔt ape dromi, la hale uzɔt pje. bɔ̃ swa male dromi. / kiʃos ki te pase sir ɛ̃ barʒ ɛ̃ nave pa ni bato a vapɛ ni ʃar. habitɔ̃ je te gɛ̃ɲɛ̃ ɛ̃ grɔ̃ ʃalɔ̃ ki je te pele ɛ̃ barʒ. neg je te puse sa avɛk lɔ̃ batɔ̃. je met rekɔlt ɔ̃sɔ̃b kotɔ̃ e disik e je pɔrte sa a la vil. sa te prɔ̃n lɔ̃tɔ̃ lɔ̃tɔ̃ pou rɔ̃di la. jɛ̃ navɛ ɛ̃ mɔmzɛl ki te gɛ̃ɲɛ̃ so lamure dɔ̃ barʒ la e so popa e so mɔ̃mɔ̃ te pa ole mene mɔmzɛl la. sa fe li di ɛ̃ so domestik: rule muɛ̃ dɔ̃ matla ki ta mɛt dɔ̃ barʒ e to vlope muɛ̃ bjɛ̃ pu pa je ua muɛ̃. neg di: mɔmzɛl mo pa kapab fe sa. metrɛs va pa kɔ̃tɔ̃. mɔmzɛl di: si to fe sa, ma peje twa ʃɛ. sa fe je met li dɔ̃ mala e je mɛt li dɔ̃ barʒ la. Kɔ̃ je te lwɛ̃ lwe~ je te pa kapab revini mɔmzɛl sɔti dɔ̃ matla e so lamure te kɔ̃tɔ̃. ɛ̃ ʒu sete fe move tɔ̃. muʃe je te nwije dɔ̃ barʒ. je di vini zwe o kart. muʃe latiole ki te lɛ̃mɛ̃ kart li di: se bjɛ̃ vini zwe. li zwe si tɔ̃ ke je gaɲe so rekɔlt avɔ̃ je rɔ̃di lavil. la li te gɛ̃ɲɛ̃ ʒis ʒen milat so domestik. nɔm la te fu. li di: ma ʒwe mo domestik e mo pɔ̃se ma gaɲe tu mo pɛrdi. olje li gɛ̃ɲɛ̃ li perdi domestik la osi e pɔv garsɔ̃ la plere buku. li ʒamɛ̃ turnɛ̃ so pej e li di mɛt: sa vilɛ̃ sa vu fe la. uzɔt wa piti ʒamɛ̃ garde ɛ̃ lakart. / kɔ̃pɛ buki e turterɛl kɔ̃pe buki te trɑpe ɛ̃ tuterɛl. li te ole kui li pu so supe me sete trop bɔ̃nɛ. li te gɛ̃ɲɛ̃ pu otɔn lɑ nuit. li mete li dɔ̃ ɛ̃ tru ki li te buʃe avɛk mɔt lɑtɛr. Kɔ̃ lɑ nuit vini, li te ole sɔti li dɔ tru lɑ me li te pɛ turterɛl la sre vole dihɔr. alɔr kɔ̃pɛ buki pɔ̃se li sre lese li muri dɔ̃ tru lɑ ku kui li ɑpre. li ɑtɔn ɛ̃ ɛ pu wɑ si li sre muri. lɑ li vini e li di: do mo lo do do wɛ̃ ki ti pi jo. turtuerɛl la repɔn: ʃuruk. kɔ̃pɛ buki di: li pɑ muri ɔ̃kɔ. lɑ li vini ɔ̃kɔr apre lɔ̃tɔ: do mo lo do do wɛ̃ ki ti pi jo. turterɛl la repɔn so wa prɔʃ muri: ʃuruk. kɔ̃pɛ buki atɔN ɔ̃kɔr ɛ̃ bɔ̃ ku. lɑ li revini e li di: do mo lo do do wɛ̃ ki ti pi jo. fwɑsi turterɛl lɑ pɑ repɔn. li vit uvri tru la. turterɛl vole dihɔr e di bjɛ̃ for: ʃuruk. kɔ̃pɛ buki te trɔ̃pe fwa si e li garde zwɑzo lɑ vole dihɔr kɔm si li te gɛ̃ɲɛ̃ kolik. / ʒɛki usɔt kɔnɛ̃ piti je nɑve mɑdɑm ki te gɛ̃ ɛ̃ bɛl bɑs kur ki te kote mulɛ̃ ɑ gri e li te gɛ̃ɲɛ̃ ɛ̃ domestik ki te dɔne je mɔze tu le matɛ̃. ɛ̃ bo matɛ̃ fɔm lɑ vini tu trɑkɑse. li di: metrɛs jɛn ɑ mun ki te ole vole pul me je te pɑ kɑpɑb delue lɑ plɔ̃ʃ. sɑ pɑse kɔm sɑ pɔ̃dɔ̃ kɛk ʒur. jɛn ɑ ɛ̃ ti pulɛt nwɑr ki kase so pɑt. muʃe prɔ̃ li, li rɔ̃ʒe pɑtlɑ avɛk ti dibwɑ e de ti mɔrso kɑrtɔ. li mɑre sɑ bjɛ̃ me ti pulɛtlɑ te pɑ kɑpɑb mɔ̃te ɛ̃ ho ʒukwɑr. li reste kuʃe partɛr dɔ̃ pulɑje. ɛ̃ bo mɑtɛ̃ fɔm lɑ ki te dɔne mɔ̃ʒe li vini tu truble. li di: metrɛs je vini ɑvek ɛ̃ ʃɑrɛt e je prɔ̃ tu vu pul. muʃe di: je prɔ̃ ti pulɛt la usi? ui muʃe. je te nɑ ɛ̃ vje neg je te pele pɑ ʒɑki. li te vole. muʃe di: se pɑ sɑ mɑle prɔ̃ ɛ̃ lɔrd e mɑle fuje tu pulɑje neg je. / ɛ̃ ʒɔ̃ sɔt sa se ɛ̃ vje vje istwa. se mo grɔ̃ popa ki di sa mo popa, e mo popa di mwɛ̃ sa e mwɛ̃ male di usɔt li aste. sete ɛ̃ bɔ̃ tɔ̃ je te di. je nave plɛ̃ divɛ̃ dɔ̃ pei. mun te bwa sa kɔm dolo. tu mun te gɛ̃ɲɛ̃ plɛ̃ sir bitasjɔ̃. sete obɔr grɔ̃ baju la ke je pele flɛv misipi. ɛ̃ ʒis vje met te vwaje mo grɔ̃ pe pɔrte ɛ̃ domiʒan divɛ̃ pu so vwazɛ̃ dɔ̃ lɔt bitasjɔ̃. li te dɔne li ɛ̃ bije pu pɔrte misie la. grɔ̃ pa te lɑse dɔ̃ ʃimɛ̃. li mɛt domiʒɔn la partɛ e li kaʃe bije ɔ̃ba ɛ̃ lapjɛ. li bwa dɔ̃ divɛ̃ la e li kuʃe e li dromi. kɔ̃ li leve li prɔ̃ bije e di: vwala ke mo gɛ̃ pu pore dɔ̃ lɔt bitasjɔ̃. misje prɔ̃ bije la e li vide divɛ̃ la. li di: ki to fe avɛk divɛ̃ la? to met vwaje mwɛ̃ pli divɛ̃ ke sa. ki to fe avɛk li. misje ki di vu sa? misje la di: se bije la. mo di: mo kaʃe bije la pu li pa wa mwɛ̃ bwa divɛ̃ la. ki ma fe aste? misje la di: kuri di to mɛt sa to di mwa. li te ape ri. mo kuri di vje mɛt. li truve sa si ʒoli li ʒis di mwɛ̃: pa fe sa ɔ̃kɔ paske ma taje twa. aste mo di usɔt sa piti kɔ̃ u va wa vje mun je dɔ̃ latɛr ke bɔ̃die gɛ̃ɲɛ̃ pu nusɔt va pa di je sa paske sa pa bjɛ̃.