buki e tig

buki te kuri lɑʃɑs. li te mɑlere. dɔ̃ so lɑʃɑs li te tʃwe ɛ̃ fezɔ̃. lɑ u buki tɑpe lɑʃɑs je te gɛ̃ ɛ̃ vjefɔ̃m ki te reste dɔ̃ ɛ̃ vje plɑs kɔ̃pɔ̃j. so mɑri te kɔ̃pɛ tig e li te gɛ̃ ɛ̃ tɑ de mutɔ̃. kɔ̃pɛ tig te kutim kite so fɔ̃m e ku trɑvɑj pu plizjɛ ʒu. se lɑ buki rive. vu kɔ̃nɛ̃ buki te ɛ̃ nɔ̃m gumɔ̃. kɔ̃ buki wɑ mutɔ̃ je li vini ʃe vje fɔ̃m lɑ ek so fezɔ̃ li tʃwe. e la li di: grɔ̃momɔ̃ vu pɑule ɛ̃ fezɔ̃? vje fɔ̃m lɑ repɔ̃n: wi mo piti mɑ prɔ̃n ɛ̃ fezɔ̃. lɑ buki pɑti li ku ʃe li. lɔ̃nmɛ̃ matɛ̃ buki cou ʃe vje fɔ̃m lɑ. li di vje fɔ̃m lɑ grɔ̃momɔ̃ mo vini ʃese pemɔ̃ mo fezɔ̃. vje fɔ̃m lɑ repɔ̃n: mɛ̃ buki mo te krwɑ to te dɔ̃n mwɛ̃ fezɔ̃ lɑ. buki repɔ̃n: o nɔ̃ mo pɑkɑ dɔ̃n mo fezɔ̃ pu ajɛ̃. vje fɔ̃m lɑ di: mo gɛ̃ de mutɔ̃ ma dɔ̃n twa ɛ̃n. lɑ buki vini ek so grɔ̃ sɑk pu pɔte so mutɔ̃. vje fɔ̃m lɑ te gɛ̃ plizjɛ mutɔ̃ e buki vini tu le mɑtɛ̃ ʒiskɑ li te prɔ̃n tu mutɔ̃je. o dɛjɛ̃ kɔ̃pɛ tig rive lswa. kɔ̃ li rive so vje fɔ̃m rɑkɔ̃te li kɔ̃mɔ̃ buki te vini blofe li p tu so mutɔ̃je. la tig di so vje fɔ̃m dimɛ̃ matɛ̃ buki vɑ vini ɑpe so mutɔ̃. to vɑ met mwɛ̃ dɔ̃ ɛ̃ sɑk e mɑre mwɛ̃ e pɔ̃n mwɛ̃ o solivo e to vɑ di li se dɛ̃nje mutɔ̃ to gɛ̃ e to tʃwe li tu pɑre e met li dɔ̃ sɑk pu li. la lɔ̃nmɛ̃ mɑtɛ̃ buki rive kɔ̃m tuʒu. li di: grɔ̃momɔ̃ mo vini ʃɛse pemɔ̃ mo fezɔ̃. vje fɔ̃m lɑ repɔ̃n: mo gɛ̃ li tu pare mo tʃwe mo dɛ̃nje mutɔ̃ mo piti mo gɛ̃ li ɑpe pɔ̃n dɔ̃ ɛ̃ sɑk. to gɛ̃ ʒis pu prɔ̃n li e pɑti ek li. buki trɑpe sɑk lɑ pu met ɔ̃ so do e pɑti ek li tro kɔ̃tɔ̃. la tig lɑ te gro. buki krwa se ɛ̃ gro mutɔ̃ li te bjɛ̃ kɔ̃tɔ̃. kɔ̃ buki pɑti li fe ɛ̃ setɛ̃ distɔ̃s opopre ɛ̃ mil tig lɑ ki te gɛ̃ de grɔ̃ grif li pike buki ɔ̃trave sɑk lɑ. li fe li mɑl disɔ̃ sɔti. mɛ̃ buki te si fjɛ so mutɔ̃ li te paule met so sɑk pɑte. li kuri kɔ̃m sɑ ɛ̃ bɔ̃ but. mɛ̃ tig pike li ɔ̃ trwa fwa. segɔ̃ fwɑ li pike li di. buki pale met so sɑk pɑte mɛ̃ trwazjɛ̃m fwɑ li pike li si move li di: mole wɑ sɑ grɔ̃momɔ̃ met dɔ̃ sɑk lɑ mo bliʒe wɑ ki sɑje kɑpe blese mwɛ̃ kɔ̃m sa. li met sɑk lɑ pɑtɛ. kɔ̃ li met sɑk lɑ pɑtɛ li demɑre li. kɔ̃ li wɑ sɑ ki te dɔ̃ sɑk lɑ li kɔ̃ke vɔ̃nwi li te si pɛ. vu kɔ̃nɛ̃ buki se tɛ̃ grɔ̃ kapɔ̃. mɛ̃ kɔ̃pɛ tig pɑ pɛd ditɔ̃. je te dɔ̃ ɛ̃ grɔ̃ pleri e nɑve pɑ vwazɛ̃ ditu. kɔ̃pe tig sote ɔ̃ futi mɑlɛ̃ lɑ li mɑsɑkre li. li fini pɑ tʃwe li dɔ̃ pleri lɑ. 

/

lɑ pɛ e lɑ mɔ ɑ ʒɔ̃ sɔt

e nave ɛ̃n plɑs nɑve ɛ̃ vje mezɔ̃ pesɔ̃n te kɑpɑ reste lɑ. mɛ̃ ʒɔ̃ sɔt di li sre pɑse lɑ nwi lɑ si je sre dɔ̃n li ɛ̃ ti kɔʃɔ̃ e lɑfɑrin pu li fe ɛ̃ bɔ̃ supe. je dɔ̃n li tu sɑ. pɔ̃dɔ̃ so supe tɑpe tʃwi ɔ̃ dife li ɑsit ɔ̃ ɛ̃ bɔ̃. et lɑ li di: mo tu sel isi ɑswɑ. li di sɑ ɔ̃kɔ li te pɑ bjɛ̃ si li cri tɔ̃n ɛ̃ lɑvwɑ. sɑfe li di: nu nu a de. lɑ pɛ prɔ̃n li, li pɑti gɑlope. li sote dɔ̃ ɛ̃ pjes dekɔ̃n ɔ̃ ɛ̃ ʃivrej. li bɔde pɑt ʃivrej lɑ e li di: si vu ple miʃje ʃivrej sɔti dɔ̃ mo ʃɛ̃mɛ̃ kite ɛ̃ nɔ̃m gɑlope ki kɑ gɑlope. e la li sote dɔ̃ sɛ̃mɛ̃ e li di: sɑ fe ʃo ɑswɑ ɛ̃ parɔl di: mo se pɑ sɑ tɑ di tɑlɛ. kɔ̃ ʒɔ̃ sɔt tɔ̃de sɑ li prɔ̃ trɔ̃mble li i pli pɛ ɔ̃kɔ li pi gɑlope li vole kɔ̃m ɛ̃ bɑl. li te pɑ mɛ̃m wɑ u li tɑle. li bɔde kɔ̃t ɛ̃ nɑb ʒimel li tɔ̃mbe. so lɑtet pɑse ɔ̃t de nɑb je e li trɔ̃gle a mɔ.

/

buki e lɔ̃pɛ̃

buki e lɔ̃pɛ̃ te mɑlere. je te kɔ̃mɔ̃se ɛ̃ rekɔlt je te mɔ̃ke et je te li gɛ̃ ajɛ̃ pu mɔ̃ʒe. sɑfe buki ki te ɛ̃ gro nɔ̃m e ki te mɔ̃ʒe ɛ̃ tɑ di lɔ̃pɛ̃: kɔ̃pɛ lɔ̃pɛ ɔ̃nɔ̃ vɔ̃n nu momɔ̃ pu kuʃkuʃ du. o nɔ̃ repɔ̃n lɔ̃pɛ̃: mo pɑule vɔ̃n mo momɔ̃. la buki di: si to pɑule vɔ̃n to momɔ̃ to pɑle gɛ̃ mo kuʃkuʃ. dek li di ʃa li ku ʃe li li trɑpe so momɔ̃ e met li dɔ̃ ɛ̃ grɔ̃ sɑk. li te gɛ̃ pu trɑvɛse ɛ̃ grɔ̃ bwɑ ki te gɛ̃ ʒis ɛ̃ ʃimɛ̃, e ʃimɛ̃ lɑ te fure ɔ̃ ʃak bɔ. buki vɔ̃n so momɔ̃ pu trwɑ bɑri kuʃkuʃ du. li met je dɔ̃ so wagɔ̃ ɑ kɑt ʃwɑl. li pɑti pu ku ʃe li. ɑpe li te fe ɛ̃ ti but ʃimɛ̃ li wɑ ɛ̃ lɔ̃pɛ̃ ki te kuʃe devɔ̃ li. ɔ̃ ɔ̃: li di: to te pɑule vɔ̃ to momɔ̃ astɛ to muri lafɛ̃. ɛ̃ pe pli lwɛ̃ li wɑ ɛ̃ nɔt lɔ̃pɛ̃. li ku ɛ̃ ti but ɔkɔ̃ li wɑ ɛ̃ trwɑzjɛ̃m. sɑfe li di: si mo sre rɑmɑse tu lɔ̃pɛ̃ je mo sre gɛ̃ ɛ̃ tɑ lɑvjɔ̃n pu mo piti je. la li rete so wɑgɔ̃ li desɔ̃n e pɑti dɛjɛ pu rɑmase je. mɛ̃ se te kɔ̃pɛ lɔ̃pɛ̃ ki te fel tu dɔ̃ bwɑ e ɑpe kuʃe dɔ̃ ʃimɛ̃ devɔ̃ li. buki te gɛ̃ pu ku lwɛ̃. safe kɔ̃ li te pɑti ɛ̃ but lɑ u ʃimɛ̃ te fe ɛ̃ tu kɔ̃pɛ lɔ̃pɛ̃ leve. li kupe latʃje ʃwɑl je e tere je e kite ʒis ɛ̃ ti but POIL dejɔ lɑtɛ. li sɛ̃mɛ̃ ɛ̃ ti pe kuʃkuʃ ɔ̃tu pwɑlje e lɑ li pɑti ek wagɔ̃ e kuʃkuʃ buki. kɔ̃ buki vini li wɑ lɑtʃje tu so ʃwɑl je dɔ̃ lɑtɛ. li di: o mo ʃwal e mo wagɔ̃ rɔ̃tre dɔ̃ lɑtɛ. lɑ li pɔ̃je ɛ̃ lɑtʃje e li ɑle si fɔ li tɔ̃mbe pɑtɛ. li pɔ̃je ɛ̃ nɔt e lɔT e lɔT e ʃɑk fwa li te tɔ̃mbe pɑtɛ. safe li prɔ̃ fuje. li te ɑ gɛ̃ grɔ̃ grif. sɑ te ku dusmɔ̃ e li te prese. tig vini pɑse. li di: kɔ̃pɛ tig si vu ple mo wɑgɔ̃ mo kuʃkuʃ e mo ʃwal je tu rɔ̃tre dɔ̃ lɑtɛ. si vu ple vu vini fuje je pu mwɛ̃. sɑfe kɔ̃ kɔ̃pɛ tig te fuje e ʒis so krupjɔ̃ te dejɔ buki kɔ̃mɔ̃se mire li. li pɑse so lɔ̃mɔ̃ ɔ̃ so krupjɔ̃ e di: e si bebɑ mo fɔ̃m e mo piti je sre gɛ̃ sɑ lɑbɑ je sre kɔ̃tɔ̃ wi. ʒoli krupjɔ̃ kɔ̃m sɑ sre fe bɔ̃ roti. se la buki pɛd pɑsjɔ̃s. li fu kɔ̃pɛ tig ɛ̃ kut kuto. mɛ̃ li mɔ̃ke li li ʒis blese li. buki ʃɑpe e tig ʃɑpe ʃakɛ̃ je kote. kɔ̃pɛ tig ʒw~ɛn kɔ̃pɛ lɔ̃pɛ̃ e rɑkɔ̃te li sɑ buki te fe. sɑfe lɔ̃pɛ̃ di li: sel mɔ̃jɛ̃ pu prɔ̃ buki se ku lɑʃɑs tɑ tʃwe ɛ̃ tɑ ʒibje e kuvɛ twɑ lɑ tet e tu ek je. to vɑ les mwɛ̃ mɔ̃te ɔ̃ to do e mo vɑ kɔ̃dwi twɑ ʃe buki pu mɔ̃nde li pu dolo. safe kɔ̃pɛ tig tʃwe ɛ̃ tɑ ʒibje. li kuvɛ so lɑtet e tu. kɔ̃ lɔ̃pɛ̃ rive ʃe buki pu dolo buki di: mɛ̃ u to sɔ to fe ɛ̃ bɔ̃ lɑʃɑs to tʃwe ɛ̃ tɑ ʒibje. Lɔ̃pɛ̃ di: wi mo tʃwe ɛ̃ tɑ ʒibje. la buki di: ti ʒɔ̃fut u to prɔ̃ ʃwɑl mo grɔ̃popɑ dɔ̃n mwɛ̃? kɔ̃pɛ lɔ̃pɛ̃ repɔ̃n: mɛ̃ kɔ̃pɛ buki mo te pɑ kɔ̃nɛ̃ se te to ʃwɑl. tʃɛ̃ to ʃwɑl eskize mwɛ̃. lɔ̃pɛ̃ pɑti. lɑ buki kɔ̃mɔ̃se ote ʒibje je. li pele bebɑ e tu so piti je. talɛ kɔ̃ li rive ɑ lɑtet tig li kɔ̃net li. li pele lɔ̃pɛ̃. lɔ̃pɛ̃ mo trɔ̃pe mwɛ̃ se pɑ mo ʃwɑl. mɛ̃ kɔ̃pɛ tig sote ɔ̃ li e bimɛ̃ li. li grɑfinje li ɔ̃ tu so kɔ ʒiska li tʃwe li. pɔ̃dɔ̃ je te pe bɑt kɔ̃mpɛ lɔ̃pɛ̃ sɔti dɛjɛ ɛ̃ nɑb e rɑmɑse ʒibje je e ʃape ʃe li.

/

kɔ̃pɛ buki kɔ̃pɛ lɔ̃pɛ̃ e je tejɑt

ɛ̃ nɔt fwa buki e Lɔ̃pɛ̃ truve je mɛ̃m bjɛ̃ mɑlere. je te pɑ kɔ̃nɛ̃ kɔ̃mɔ̃ truve mɔ̃jɛ̃ pu gɛ̃jɛ̃ kiʃɔz pu mɔ̃ʒe. sɑfe lɔ̃pɛ̃ di: buki mo gɛ̃ ɛ̃ plɔ̃. truve ɛ̃ gro kɑlbɑs fe ɛ̃ tru dɔ̃ li. to vɑ met mwɛ̃ dɔ̃ li e nu vɑ ku vwɑjɑze e nu va fe mun krwɑ to gɛ̃ ɛ̃ kɑlbɑs ki ka ʃɔ̃te. kɔ̃msa nu va rɑmɑse ɛ̃ tɑ lɑʒɔ̃. kɔ̃ to vɑ vini pɑmi mun to vɑ pɑle kɑlbɑs e mo vɑ ʃɔ̃te. safe buki truve ɛ̃ gro kɑlbɑs. li fe ɛ̃ tru dɔ̃ li. lɔ̃pɛ̃ rɔ̃tre e je pɑti pɑmi mun. kɔ̃ je rive lɑ buki di: dʒe fɔ̃n dʒe mo kɑlɑbɑs. lɑ lɔ̃pɛ̃ repɔ̃ dɔ̃ kɑlbɑs lɑ mo: mo tring tring tring mo trɛ̃ng trɛ̃ng trɛ̃ng mo bek ɑ lɑ burek ʃɔ̃mbɑ miʃje beko. je rɑmɑse ɛ̃ tɑ lɑʒɔ̃. tu mun te krwɑ se kalbas ki te ʃɔ̃te. sɑfe kɔ̃ sɑ vini pu pɑtɑʒe lɑʒɔ̃ buki ʒis dɔ̃n lɔ̃pɛ̃ ɛ̃ sɛ̃su. lɔ̃pɛ̃ te pɑ kɔ̃tɔ̃. li di limɛ̃m: mɑ prɔ̃ li ɛ̃ nɔt fwɑ. lɔt fwɑ je tɑle fe ɛ̃ pli grɔ̃ sɔti pɑmi mun. je te pɔ̃se fe pli lɑʒɔ̃. sɑfe je rive dɔ̃ ɛ̃ grɔ̃ vil. buki mete so kɑlbɑs ek lɔ̃pɛ̃ ɔ̃ ɔ ɛ̃ grɔ̃ lɑtɑb. li di mun je so kɑlbɑs tɑle ʃɔ̃te pu je. li krije: dʒe fɔ̃n dʒe mo kɑlɑbɑs. lɔ̃pɛ̃ reste trɔ̃kil. buki te bjɛ̃ trɑkɑse. li pɔ̃se lɔ̃pɛ̃ te petet tue. li ku rɑ lɑtɑb li mete so lɑbuʃ kole kɔ̃t kɑlbɑs lɑ e di: ʃɔ̃te Lɔ̃pɛ̃ je nɑ ɛ̃ tɑ mun. si to pɑ ʃɔ̃te mun je vɑ tʃwe nu zɔt. lɔ̃pɛ̃ di: wi mo vɑ ʃɔ̃te. buki fe kek pɑ kote mun je e li ele: dʒe fɔ̃n dʒe mo kɑlɑbɑs. lito repɔ̃n lɔ̃pɛ̃ sɔti dɔ̃ kɑlbɑs lɑ e di mun je buki te ʒis ɑpe blofe je. je sote ɔ̃ li ɑ kut bɑtɔ̃ e kut pje e bimɛ̃ li ʒiskɑ li muri.